Or est verité que deuant les tribulations dessusdites, le Roy & ses Princes estans à Paris, eurent plusieurs complainctes des maux & violences qui faisoient sur le pays ceux de la garnison d’Estampes & de Dourdan: & que pour ce nonobstant qu’il eut esté conclud par le Conseil Royal, que le Roy ne le Duc d’Acquitaine ne se mettroient pas aux champs à puissance que l’hyuer ne fut passé: neanmoins resister aux entreprinses des dessusdits, fut ce propos rompu. Et le xxiij. iour de Nouembre ledict Duc d’Acquitaine accompaigné du Duc de Bourgongne, des Comtes de Neuers, de la Marche, de Ponthieure & de Vaudemont, du Mareschal Bouciquault, & d’aucuns autres serviteurs auec tresgrand nombre de pietons tant de la commune de Paris comme d’ailleurs, se partit de ladicte ville de Paris sur intention de mettre en l’obeissance du Roy les dessusdites places de Dourdan, & d’Estampes, & aucunes autres, qui faisoient guerre de par le Duc d’Orleans & ses aydans: & s’en alla par Corbeil où il seiourna aucuns iours pour attendre ses gens: et de là à tout foison d’habillemens de guerre tant bombardes comme autres artilleries, se tira à tout son ost⁽¹⁾ deuers Estampes: auquel lieu estoit messire Loys de Bourdon, qui tantost se retira dedans le chastel. Et ceux de ladicte ville se soubmeirent incontinent, & rendi[p.140]rent en l’obeissance dudit Duc d’Acquitaine: lequel les receut assez benignement en la faveur du Duc de Berry son oncle. Mais ledit Bourdon ne voulut nullement obeyr, jaçoit-ce qu’il en fut sommé par plusieurs fois: & pource fut sans delay ordonné que ledict chastel seroit de toutes parts environné. Et pour lors estoit dedans un prisonnier: c’est à sçavoir le seigneur de Ront, lequel auoit un petit deuant esté rencontré & prins par le dessusdit Bourdon. Et adoncques furent dressez et assis plusieurs engins contre ledit chastel, lesquels en plusieurs & diuers lieux le derompirent & dommagerent : & auecques ce furent mis grand quantité d’ouuriers en œuure à miner par dessoubs les terres d’icelle forteresse. Et tant y fut continué que les assiegez voyans qu’ils estoient en peril d’estre prins de force, commencerent à parlementer, & finablement par le moyen dudit seigneur de Ront se rendirent en la voulenté dudit Duc d’Acquitaine: & par ainsi fut iceluy Loys Bourdon & aucuns autres Gentils-hommes enuoyez à Paris dedans Chastelet, & grand partie des biens d’iceluy Bourdon auec vn moult excellent coursier qu’il auoit, furent donnez audit seigneur de Ront pour ses fraix qu’il auoit eu à estre prisonnier. Et apres que les dessusdits Ducs d’Acquitaine, & de Bourgongne eurent garnies les dessusdictes forteresses de leurs gens, ils s’en retournerent auec toute leur exercice⁽²⁾ en la ville de Paris, pource que bonnement ils ne pouuaient icelle conduire pour le temps d’hiuer. [...] 
 

     Le manuscrit original de Monstrelet a disparu, et ne subsistent que deux manuscrits, l’un en langue picarde, l’autre dans celle de l’Ile-de-France; on ignore en quel dialecte était l'original.    
     

     Édition princeps [3 vol. in-folio], Paris, vers 1470, l'un des tout premiers livres à avoir été imprimés; le troisième tome est apocryphe].    

     Le premier volume [le second volume...le tiers volume...] de Enguerrand de Monstrelet ensuyvant Froissart nagueres imprimé à Paris des cronicques de France dangleterre Descoce despaigne De bretaigne de gascongne de flandres et lieux circonvoisins [3 vol., in-folio], Paris, Antoine Vérard, Paris, 1500.    

     Autre édition, 1592 [photographie des pages 139 et 140 mise en ligne par l’A.C.R.E., http://www.chateau-royal.com/pages/Documents/Engueran.htm, dont le texte est suivi par la présente édition].    
       
     The Chronicles of Enguerrand de Monstrelet, a Gentleman formerly resident at Cambray in Cambresis; Containing an Account of the Cruel Civil Wars Between the Houses of Oleans and Burgundy; of the Possession of Paris and Normandy by the English; Their Explusion Thence; and of Other Memorable Events that Happened in the Kingdom of France, as Well as in Other Countries [trans. T. Johnes] [12 vol. in-8°, & atlas], London, Longman, Hurst, et al., 1810.    
    
     Édition D’ARC [6 vol.], Paris, 1857-1862.   
             

     DACIER, «Mémoire sur la Vie & les Chroniques d’Enguerrand de Monstrelet», in Mémoires de littérature tirés des registres de l'Académie royale des Inscriptions et Belles-lettres, XLIII (Paris, 1786), pp. 535-562.    
   
     Édouard CHARTON [directeur du Magasin pittoresque], «Monstrelet et son Histoire» in Le Magasin pittoresque 29 (1861), pp. 159-160.    

     Georges GOYAU, «Enguerrand de Monstrelet», in The Catholic Encyclopedia, Volume X, 1908, Robert Appleton Company [Online Edition: Kevin Knight, 1999, http://www.newadvent.org/cathen/10511a.htm].